Platformadan istifadə qaydaları

Data Fabric — Microsoft Office proqramları üzrə onlayn təlim platformasıdır. Dərslər video formatındadır və istənilən vaxt, istənilən yerdən izlənilir. İmtahan isə ayrıca Data Fabric İmtahan tətbiqində keçirilir — bunun səbəbi Haqqımızda səhifəsində izah olunub.

Qeydiyyatdan sonra hesabınız dərhal açılmır — təlimçi təsdiqlədikdən sonra dərslər və imtahanlar əlçatan olur. Qeydiyyatda düzgün ad və işlək e-poçt ünvanı göstərməlisiniz: sertifikat həmin ada yazılacaq.

Hesab şəxsidir. Giriş məlumatlarınızı başqası ilə paylaşmaq, hesabınızdan başqa bir nəfərin istifadə etməsi qadağandır. Şifrənizin qorunması sizin məsuliyyətinizdədir; hesabınıza icazəsiz giriş olduğunu düşünürsünüzsə, dərhal şifrəni dəyişin və bizə yazın.

Dərs videoları və imtahan tapşırıqları "Data Fabric" MMC şirkətinin hazırladığı materialdır. Onları yazmaq, surətini çıxarmaq, yaymaq və ya başqasına ötürmək qadağandır.

“Data Fabric” adı və loqosu Azərbaycan Respublikası Əqli Mülkiyyət Agentliyində qeydiyyatdan keçmiş əmtəə nişanıdır (şəhadətnamə N 2026 1694, qüvvədədir 22.04.2036 tarixinədək). Ad və loqonun icazəsiz istifadəsi qanunla məsuliyyət yaradır.

Materiallar yalnız sizin şəxsi təliminiz üçündür. Videoların ekran yazısını almaq, imtahan suallarını köçürmək və ya paylaşmaq şərtlərin pozulması sayılır və hesabın bağlanması ilə nəticələnir. Belə hallarda ödənilmiş məbləğ qaytarılmır.

İmtahan zamanı tapşırıqları özünüz yerinə yetirməlisiniz. Tətbiq imtahan qaydasının pozulduğunu göstərən hadisələri qeyd edir və təlimçi onları görür. Qeyd avtomatik cəza demək deyil — nəticə barədə qərarı təlimçi verir.

Təlimin bütün mərhələlərini tamamlayana Data Fabric sertifikatı verilir və hesabınızda saxlanılır.

Bu, təlimi tamamladığınızı təsdiq edən sənəddir və Microsoft-un rəsmi sertifikatı deyil. Rəsmi Microsoft Office Specialist sertifikatı Microsoft-un akkreditə etdiyi imtahan mərkəzində ayrıca verilir — biz həmin imtahana hazırlayırıq.

Təlim haqqı və ödəniş şərtləri qeydiyyatdan əvvəl sizinlə ayrıca razılaşdırılır — şərtləri dəqiqləşdirmək üçün bizimlə əlaqə saxlayın.

Platformanı daim işlək saxlamağa çalışırıq, amma texniki işlər, server və ya internet problemi səbəbindən qısa fasilələr ola bilər. Planlaşdırılmış işlər barədə əvvəlcədən xəbər veririk. İmtahan vaxtı texniki səbəbdən kəsilərsə, təlimçi ilə əlaqə saxlayın — cəhd bərpa edilir.

İstənilən vaxt hesabınızın silinməsini tələb edə bilərsiniz. Biz isə hesabı yalnız bu şərtlər pozulduqda — xüsusən materialların yayılması və ya başqasının hesabından istifadə hallarında — bağlayırıq.

Təlim materialları peşəkar hazırlansa da, imtahan nəticəsi sizin hazırlığınızdan asılıdır — rəsmi imtahandan keçəcəyinizə zəmanət vermirik. Platformadan istifadə nəticəsində yaranan dolayı zərərlərə görə məsuliyyət daşımırıq.

Bu şərtlərə Azərbaycan Respublikasının qanunvericiliyi tətbiq olunur. Mübahisəni əvvəlcə danışıqla həll etməyə çalışırıq — yazın: support@datafabric.az və ya +994 50 711 00 21.

Şərtlər dəyişdikdə səhifədəki tarix yenilənir; əhəmiyyətli dəyişiklikdən əvvəl e-poçtla xəbər veririk.